Изведувачот не само што мора да ја заврши својата работа, туку мора и да докаже дека ја завршил, и да добие потпис од надзорниот орган. Дури тогаш може да побара наплата кај Инвеститорот. Надзорот ја проверува содржината од градежната книга, односно ги гледа формулите по кои е пресметана количината за дадена позиција. Колку подобро Изведувачот ќе си пресмета количини, толку подобро ќе наплати, и обратно.

Кога пресметувате количина во позиција, двапати ја пишувате формулата. Еднаш на хартија, вторпат на калкулаторот.
Програмски е поефикасно, бидејќи количината се пресметува со самото внесување на формулата, немате двојно пишување.

На секоја страница мора рачно да ги пополните називите на објектот и странките, како и називот на позицијата. Непотребно рачно внесување на една иста информација.

Дали за секоја Страница креирате нов Sheet, копирате од празен шаблон, одново пишувате назив на позицијата, и го внесувате описот од претходно рачно пресметаната количина?
Освен што е непрегледно, и работата е двојна - еднаш пресметувате рачно, потоа истото повторно го внесувате како текст.

Избирате Позиција, Избирате Период, креирате Страница, и во описот ги додавате вашите објаснувања и формули. Количината се пресметува со самото внесување на формулата, немате двојно пишување. Можете да превземате пресметки и од други позиции, дури и од други објекти.

Кога имате пресметано Градежна Книга, веднаш можете да генерирате и Ситуација или Фактура. Изгледот на излезниот документ може да се подесува према вашите или према барањата на Инвеститорот. Освен печатење, може да експортирате и во Excel и PDF.

• Заштедувате на внесување повторливи податоци за градбата
• Заштедувате на пишување насловот на позицијата на секоја страница
• Заштедувате на повторно внесување исти формули на друга страница
• Автоматско кумулирање количини од претходни периоди
• Генерирате Ситуација со најмалку чекори
• Eкспорт на извештаите во Ексел, PDF
• Печатите Страници наеднаш за цел период

Користењето на excel е само за малку различно од рачното пополнување. Пак мора настрана сите бројки рачно да ги пресметате на хартија, и пак да ги внесувете и копирате сето во excel. Немате автоматско кумулирање. За разлика од тоа, преку програмата, вие внесувате само формули - програмата пресметува, кумулира, поврзува.

Имајќи пресметани и одобрени Страници од Градежна Книга, програмата генерира Ситуација, со минимум кликнувања и подесувања. Сите Ситуации се врзани, со автоматско пресметување на Претходни, Тековни и Вкупни количини и износи.

За експорт на Ситуациите во Ексел, излезот може да се подесува - различен Инвеститор, различен излезен документ. На ваше барање изработуваме шаблон - темплејт на Ситуација, онака како што бара Инвеститорот. При експорт во Ексел, го бирате шаблонот по кој да се изгенерира Ситуацијата.

Програмата електронски го праќа фајлот кај Надзорот, тој го отвора, проверува и дава свои коментари. Вие повратно ги отварате и гледате неговите коментари, сето тоа во рамки на програмата, без потреба од директно носење на печатени листови додека се усогласи содржината.

• Предмер - уредување, увоз;
• Страници - изработка, печатење, експорт;
• Дневник - евидентирање, печатење.
• Надзор - електронско испраќање на книгата;
• Ситуации - изработка на Ситуации;
• Извештаи - изработува повеќе пресеци и извештаи

• Една можност е самите да ја симнете и инсталирате програмата
  побарај Линк
• Друга можност е, наш претставник ќе дојде кај вас, и ќе ја инсталира програмата.
  побарај Инсталација

• Инсталацијата не се наплаќа. Со првата Инсталација, се активира Пробен Токен, кој овозможува 1 месец бесплатна работа и запознавање со програмата. По истек на пробниот период, се бара купување токен.

• Преку Програмата, нарачувате Токен, и добивате Профактура.
• Профактурата ја плаќате вирмански. По евидентирање на уплатата, Токенот се генерира и се качува на сервер.
• Преку Програмата, го превземате и активирате новиот Токен.
• види Ценовник